Një telash më pak për Milanin ndaj Atleticos, UEFA pezullon Griezmann

Foto: Transfermarket

Milanit i duhen dy fitore historike për të kaluar turin në Ligën e Kampioneve, ku është me një këmbë jashtë pasi mban vendin e fundit në grup. Por si fillim, do të ketë një telash më pak në ndeshjen e radhës, pasi nuk do të ketë përballë një nga elementët më të rrezikshëm të skuadrës së Simeones, Antuan Grizman.

Sulmuesi u ndëshkua në ndeshjen e tretë në grupe, ndaj Liverpulit, kur goditi me shkelm në fytyrë Firminon. Një gjest që i kushtoi shtrenjtë atij e skuadrës spanjolle dhe për të cilin Grizman humbi edhe duelin e dytë ndaj anglezëve. Por UEFA ka vendosur që ajo masë ndëshkimore të jetë më e ashpër dhe kështu, i ka dhënë edhe një sfidë tjetër pezullim francezit, duke e cilësuar akt të dhunshëm goditjen e tij.

LEXO EDHE  Inter fiton dhe parakalon Milan-in në klasifikim, Roma humbet kundër Bologna-s

Në këtë mënyrë, Grizman nuk mund të luajë në ndeshjen e Ligës së Kampioneve të javës së ardhshme, që mund të jetë vendimtare për të dy skuadrat në rrugëtimin e mëtejshëm në turne.