Robert Aliaj habit me deklaratën për të birin në “Love Story”: Djemtë mund të pëlqejnë njëri-tjetrin në vend të vajzave

Mbrëmjen e djeshme ka staruart sezoni i dytë i “Love Story” nën drejtimin e Alketa Vejsiut. E veçanta e këtij edicioni është djali i një prej opinionistëve të programit, Robert Aliaj, Kristi i cili do të gjendet përballë kritikave të të atit. Ai do të gjykohet nga babi i tij lidhur me sjelljen e tij ndaj vajzave.

Roberti tha se fakti se i biri është pjesë e këtij edicioni, nuk do ta pengojë që ta kritikojë, e madje mund të përdorë edhe “shkopin e tij”.

Ndoshta do përdor edhe shkopin. Kristi duhet të tregojë aty përgjegjshmëri, si aset që orienton dhe ndihmon në kuptimin e dhënies sens të jetës në përgjithësi”- tha Aliaj.

“Ka pak prirje narcistike, që e bëjnë interesant, por pozitive. Ai e di që joshja është transgresion dhe do kërkojë t’i orientojë vajzat në një fushë disi të ndaluar… dhe pastaj e di vetë ai”- shtoi Roberti.

LEXO EDHE  Fifi publikon foton e veçantë me të ëmën pas daljes nga "Big Brother VIP" (Foto)

Alketa Vejsiu tha se mund të ndodhë që dy djem të ndryshëm të pëlqejnë të njëjtën vajzë, por ky nuk përbën ndonjë problem, sepse të dy do të dalin me të. Në këtë moment, ndërhyri Robert Aliaj, i cili tha se kjo nuk është gjëja më e çuditshme që mund të ndodhë. Opinionisti u shpreh se e çuditshme do të ishte zgjedhja e një djali nga një djalë tjetër.

Pjesë nga biseda:

Roberti: Po ju keni përjashtuar më dinamiken e formatit.

Alketa: Që do të ishte?

Roberti: Ata pëlqejnë njëri-tjetrin dhe ikin dhe i lënë të gjithë këta këtu.

Alketa: Cilët ata?

Roberti: Ata djemtë që ke aty në krah.

Alketa: Çunat pëlqejnë njëri-tjetrin?!

Roberti: Po kush dreqin po e merr vesh, ne jetojmë në një epokë ku po na e mushin menjen me zor. Po na kapin nëpër qafe rrugës.