“Foltorja”, Berisha: Ka fituar miq në mbarë Botën, zhvillimi më pozitiv në 8 vitet e fundit

Ish-Kryeministri Sali Berisha, i cili po takohet me anëtarë dhe simpatizantë të PD të degëve të Fushë-Krujës dhe Krujës, shprehu nderimin më të madh pvr mbështetjen e jashtëzakonshme që u dëshmua ndaj “Foltores”, e cila përfaqëson revolucionin paqësor të demokratëve në përballjen me narko-shtetin.

“Kreu i degës, Agron Loka, ishte ndër të parët që mbështeti këtë lëvizje, e cila ka pushtuar mendjen dhe zemrat e qindra mijëra demokratëve shqiptarë brenda dhe jashtë vendit, por edhe qindra mijëra shqiptarëve që duan të ndërtojnë të ardhmen e tyre në këtë vend.

LEXO EDHE  Merr flakë makina në Tiranë

Foltorja, apo revolucioni ynë paqësor, ka bërë sot miq në mbarë Europën dhe mbarë Botën, dhe e shohin si të vetmin zhvillim pozitiv të 8 viteve të fundit në Shqipëri”, tha Berisha.

Ai shtoi se Foltorja ndezi shpresat në zemrat e demokratëve, është shndërruar në dritë shprese për shqiptarët, pasi narko-shteti i kishte ngujuar në një tunel të zi.

“Foltorja u thirr nga ndërgjegjia, nga idealet e demokratëve, në një moment shumv kritik për vendin dhe kombin”, tha Berisha.