VIDEO/ Rama replika me Bashën: Ke probleme me shifrat, ja pse nuk e heqim PPP e skanimit

Kryeministri Edi Rama në një replikë me kreun e PD-së, Lulzim Basha, u shpreh se ti ke probleme me shifrat. Megjithëse ka 8 vite në qeverisje, Rama është ndalur në krahasimet e shifrave me ato të Qeverisë Berisha.

Deklaratat e Ramës janë kundërshtuar nga deputetë të PD, por Kryeministri iu përgjigj “unë nuk e ndërpreva gramafonin që foli këtu, ju pse më ndërprisni mua”, duke ironizuar Lulzim Bashën.

“Çfarë do hiqni ju, cilat fonde? Ato të plehrave, ato të dializës, ato të check up? Çfarë do të hiqni tjetër ju, laboratorët e analizave? Çfarë do të hiqni, mirëmbajtjen e rrugës së Kombit, atë që e la Luli në atë gjendje? Çfarë do të hiqni ju, fondet për rrugën e Kombit?”, iu drejtua Rama, deputetëve të opozitës.

Kryeministri tha se ajo që donte ta hiqte ishte skanimi, por tha se ky është dallimi mes nesh dhe jush.

LEXO EDHE  Aksidenti në Krujë, plagoset punonjësi i policisë

“Ju jeni kap ça të kapësh”, tha Rama. Sipas tij, ato që përfitojnë janë qytetarët me të gjitha shërbimet që po afrohen.

“Skanimi është një shërbim që duhet ta ofrojë shteti. Pse çdo kamion duhet të paguajë për çdo faturë? E dini ju sa është kostoja, 20 mln në vit që ne i paguajmë nga Buxheti i Shtetit. E dini ju pse nuk e anullojmë? Sepse e keni miratuar në Kuvend. Kjo është e vetmja PPP që qytetarët dhe sipërmarrësit nuk përfitojnë asgjë”, tha Rama.

Kryeministri në vijim të debatit sfidoi Bashën, duke i kërkuar të flasë për imputet bujqësore. “Meqë ti i ditke shifrat hajde na i thuaj, nëse nuk i di pyet atë që ke në krah, që ti thotë shifrat si balonë tabake. S´kam punë me mbiemrat unë, se ka edhe balona tauke, po tabakja është më e mirë”, tha Rama.