Kreu i Këshillit Kombëtar të PD, Edi Paloka, u shpreh sot se shpallja non grata e Sali Berishës nga DASH ishte një goditje për PD-në dhe kreun e saj, Lulzim Basha.
Paloka u shpreh se vendimi i Bashës për të përjashtuar Berishën nga Grupi Parlamentar ishte e gabuar. Ai tha se Basha ka një problem, që të dëgjon, të jep të drejtë, por nuk e bën atë.
“Sido që të vijë puna nuk mund të arrij të mendoj që Basha ka marrëveshje me Ramën që në 2017 për të shkatërruar PD sepse po ta mendoja këtë do të isha unë i pari për ta larguar.
Unë i kam thënë se kishte marrë vendimin më të gabuar në mënyrën më të gabuar, në zyrë. Këtë ia thasë që në momentin kur mori vendimin për përjashtimin e Berishës”, tha Paloka.
Duke zbuluar detaje nga biseda që ka pasur me kreun e PD, Paloka tha se i kam thënë Bashës se non-grata e Berishës nuk është kundër tij, por është kundër teje si kryetar i PD dhe kundër PD-së.
“Kjo për mua ka qenë dhe mbetet goditje politike ndaj PD për të mbështetur Edi Ramën, pra është një gjetur një mënyrë me lobime, pra të goditet Berisha dhe më pas e gjithë PD. Këtë mendimin tim ia kam thënë kur ambasadorja amerikane foli për çështjen e barit …Edhe po ta fusnim për diskutim sot këtë çështje ne do të na hidhen në fyt demokratët. I kam thënë se nëse vetëm do ta diskutojmë si çështje ne na ikën gjysma e partisë dhe jo më ta largonim”, tha Paloka
I pyetur se çfarë do të bënte nëse do të ishit kryetar i PD, Paloka tha se i ka thënë Bashës një parim universal: në drejtësi je i pafajshëm deri sa të vërtetohet fajësia jote, jo e anasjellta dhe zoti Basha kishte vënë të kundërtën.
