Mbrëmja e djeshme nisi zyrtarisht lojën në dyshe për banorët e ‘’Big Brother Vip’’. Nominimet e çdo banori për herë të parë do të influenconin automatikisht edhe të partnerët respektiv.
Vota të shumta grumbulloi Ilir Shaqiri duke dërguar në nominim edhe mikun e tij Sabianin. Einxhëll dhe Beniada kanë marrë gjithashu shumë vota dhe janë në nominim.
Por asnjë nga ata nuk do të largohet nga shtëpia, pasi publiku do të votojë përtë shpëtuar e jo për të eliminuar, gjë që banorët nuk e dinë.
Arbana Osmani zbuloi se mes katër banorëve të nominuar, do të votohet për të shpëtuar një dhe rrjedhimisht shpëton edhe personi që është çift me të. Mirëpo, ende nuk dihet çfarë do të ndodhë me të nominuarit e tjerë.
Kujtojmë se prej një jave banorët po e vazhdojnë lojën në çifte, gjë që do të zgjasë për një kohë të caktuar.
