Punonjësit e Policisë së Shtetit që punojnë jashtë qendrës së banimit do të kenë rritje page deri në 50 %. Kjo është deklaruar nga Drejtori i Policisë së Shtetit, Gledis Nano, sipas të cilit nga janari i 2022, do të jenë 1179 punonjës policie që përfitojnë këtë rritje.
Këtë rritje me 50% shtesë të pagës aktuale do ta marrin për herë të parë edhe punonjësit që kanë gradën inspektor.
“Me buxhetin e vitit 2022, shpenzimet e personelit rriten me 200 milionë lekë, trajtim me paga e shtesë mbi pagë, pagesën e punës në orët e natës, mbi kohë e punës, trajtim të vecantë për 1179 punonjës policie që punojnë jashtë qendrës së banimit nga janari i vitit 2022 do marrin shtesë 50 % të pagës aktuale.
Për herë të parë këtë shtesë e përfitojnë edhe punonjësit që kanë gradën inspektorë”, tha Nano, gjatë diskutimeve lidhur me Buxhetin e Shtetit të vitit të ardhshëm.
Për vitin e ardhshëm, për Policinë e Shtetit ka një rritje fondi me 81% ose 555 milionë lekë më shumë krahasuar me vitin aktual, për projekte investimesh.
E ndërsa problemi me të cilën përballen punonjësit e policisë janë pagesat për orët shtesë të punës, nuk dihet nëse në vitin e ardhshëm, do të mund të gjenden një zgjidhje
