Helmimi i 500 qytetarëve në Krujë, Manastirliu: Po presim analizat, janë disa pista hetimi

Ministrja e Shëndetësisë Ogerta Manastirliu sot se situata në Krujë është nën kontroll dhe se po priten analizat pas helmimit nga uji.

“Nga raportimet që më kanë ardhur nga ISHP dhe OKV janë ende në pritje të përgjigjeve të analizave përsa i përket analizave që janë marrë në funksion të pistave të ndryshme të hetimit. Dua të theksoj se tashmë në spitalin e Krujës gjendja është e kontrolluar.

Ditën e sotme janë rreth 14 qytetarë përfshirë, fëmijë dhe adoleshentë që janë duke marrë shërbimin, por gjendja ka qenë nën kontroll, spitali ka qenë në gatishmëri për të përballuar flukse, fatmirësisht ka ardhur në rënie”, tha Manastirliu, pas mbledhjes së Qeverisë.

LEXO EDHE  Nipi i përfshirë në ngjarjen e Lezhës, reagon Rrahman Rraja

Ndërkohë Prokuroria e Krujës ka nisur hetimet për helmimin masiv nga uji i pijshëm, i cili shkaktoi probleme serioze për shëndetin për të paktën 500 qytetarë, që morën trajtim spitalor.

Hetimi është ngritur mbi veprën penale “Ndotja e ajrit, e ujërave dhe e tokës” me pasojë dëmtimin e shëndetit të personave.

Pas analizave paraprake, ndërmarrja e ujësjellësit të qytetit që është në varësi të bashkisë, deklaroi se uji ka pasur amoniak mbi normë.