Makina del nga rruga, plagosen 3 persona

Tre persona janë plagosur si pasojë e një aksidenti që ndodhi pasditen e së shtunës në aksin Tepelenë-Gjirokastër.

Policia njofton se ngjarja ka ndodhur rreth orës 17:10 në vendin e quajtur “Shkalla e Zezë”. Automjeti tip Peugeot, me drejtues shtetasin R. K., ka dal nga rruga dhe ka përfunduar disa metra poshtë rrugës.

Për pasojë, të lënduar kanë mbetur drejtuesi i automjetit R. K., rreth 35 vjeç, banues në Skrapar, pasagjerët, J. T., 56 vjeç, banues në Greqi dhe S. C., rreth 50 vjeç, banues në Tepelenë, të cilët po marrin ndihmën mjekësore në spitalin Rajonal Gjirokastër.

LEXO EDHE  Prapaskenat/ Gazetari: Ja premtimi që mori Basha nga Kim dhe pse u kalua në planin "B"

Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.