Deputetja demokrate, Jorida Tabaku, akuzon Qeverinë se u kap e papërgatitur lidhur me nisjen e vitit të ri shkollor, edhe pse pandemia nuk është diçka e re.
Sipas saj, përpjekjet e qeverisë për t´u sjellë si e paditur nuk e kanë ndihmuar dhe as e ndihmojnë me situatat e krijuara.
Tabaku shkruan se përplasja mes studentëve dhe ministrisë për çështje që edhe mund të trajtoheshin më herët dhe mund të manaxhohen më mirë tregon paaftësi të ministrisë për të manaxhuar këto situata.
“Shumë e trishtë që qeveria bën sikur dialogon me shqiptarët ndërkohë që nuk ka as durimin dhe as dëshirën të dialogojë me rininë tonë.
Shumë dije ka humbur gjatë dy viteve të fundit, të mos nxisim rininë të largohet veç prej arrogancës e keqmanaxhimit!”, shkruan Tabaku.
Postimi nga Jorida Tabaku
“Mbas mbi pothuajse 18 muaj mësimi jashtë auditoreve, studentët e nisën dje vitin e ri akademik në rradhë të gjata!
Pashë dje rradhë të gjata studentësh në kërkim të dijes, studentë në protestëndhe jo auditor, studentë përballë murit policor dhe jo pedagogëve. Një amulli totale!
Megjithëse globi nuk e ka të re situatën e pandemisë, sërishmi qeveria jonë kapet e papërgatitur për t’u përballur me vitin e ri akademik.
Situata në lidhje me studentët dhe vaksinimin ka qenë shumë e qartë që në muajt e verës. Përpjekjet e qeverisë për tu sjellur si e paditur nuk kanë ndihmuar dhe as po e ndihmojnë situatën.
Përplasja mes studentëve dhe ministrisë për çështje që edhe mund të trajtoheshin më herët dhe mund të manaxhohen më mirë tregon paaftësi të ministrisë për të manaxhuar këto situata.
Shumë e trishtë që qeveria bën sikur dialogon me shqiptarët ndërkohë që nuk ka as durimin dhe as dëshirën të dialogojë me rininë tonë.
Shumë dije ka humbur gjatë dy viteve të fundit, të mos nxisim rininë të largohet veç prej arrogamcës e keqmanaxhimit!
