Goleadë dhe spektakël në “Elbasan Arena”, Tirana del triumfuese ndaj Teutës

Tirana ka dalë triumfuese ndaj Teutës në një ndeshje plot emocione në “Elbasan Arena”. Rezultati përfundimtar ishte 3-2 në favor të bardhebluve teksa të dyja krahët arritën të përmbysnin disa herë rezultatin.

Një gol i shpejtë i Tiranës që në minutën e parë me Xhixhën ndezi ndeshjen. Teuta reagon menjëherë dhe në 16’ i përgjigjet me Ivanoviç me një goditje me kokë pas një topi të Kallakut në zone.

Nuk zhgënjen as fraksioni i dytë i lojës ku me të nisur është Teuta që kalon në avantazh falë një autogoli të Najdovskit që pas krosimit të Acquah e çon topin në rrjetë gabimisht.

LEXO EDHE  Korçë/ Makina përplas këmbësoren, shoferi largohet nga vendngjarja

I menjëhershëm është reagimi i Tiranës ku 4 minuta më pas, ku Totre i shërbyer mjeshtërisht me kokë nga Seferi, shënon golin e parë në këtë kampionat duke barazuar sfidën 2-2.

Teksa sfida ul disi ritmin, në 64’ mendon Vesel Limaj që me një kryevepër nga një goditje dënimi shënon për t’i dhënë avantazhin 3-2 Tiranës.

Në minutat në vijim, sërish bardheblutë rrezikojnë të shënojnë por edhe Teuta mund të barazonte teksa sfida në “Elbasan Arena” mbyllet me fitoren spektakolare të bardhebluve që kryesojnë të vetëm në krye me 11 pikë në Abissnet Superiore.