Policia e Durrësit arrestoi një 42-vjeçar, i cili akuzohet se ka dhunuar me sende të forta kunatin e tij (vëllain e gruas). Policia tha se i arrestuari është shtetasi M.A, ndërsa ngjarja ka ndodhur në Hamallaj të Durrësit.
Në lidhje me këtë ngjarje, materialet hetimore kanë kaluar në Prokurorinë e Rrethit Gjyqësor Durrës për veprime të mëtejshme.
“Specialistët për Hetimin e Krimeve në Stacionin e Policisë Manëz arrestuan për veprën penale “Dhuna në familje”, shtetasin M.A., 42 vjeç, banues në Hamallaj, Durrës.
Ky shtetas më datë 07.10.2021 rreth orës 16:00 në Hamallaj, ka goditur me sende të forta në kokë, kunatin e tij, shtetasin B.M., 52 vjeç, banues në Hamallaj.
Materialet kaluan në Prokurorinë e Rrethit Gjyqësor Durrës për veprime të mëtejshme”, njofton policia.