EMRI/ Aksidenti në Korçë, kush është 29-vjeçarja që humbi jetën

Humb jetën e reja që mbeti e plagosur në një aksident në Korçë.

Policia e Korçës bëri me dije se Xhanina Hoxha banuese në fshatin Shqitas, Maliq, ka ndërruar jetë gjatë transportimit për mjekim më të specializuar në Tiranë.

Mësohet se burrë e grua, Mariglen dhe Xhanina Hoxha udhëtonin me 42-vjeçarin Kastriot Guce, ky i fundit i arrestuar nga policia tashmë, teksa makina e tyre doli nga rruga dhe u përmbys.

Bashkëshorti i viktimës ka marrë plagë të lehta, ndodhet shoferi ndodhet në gjendje të rëndë tek Trauma.

Njoftimi i policisë:

Në vijim të informacionit paraprak datë 07.10.2021, i cili bën fjalë për një aksident rrugor, strukturat e lartpërmendura, filluan procedimin penal për veprën penale “Shkelja e rregullave të qarkullimit rrugor”, ndaj shtetasit K. G., 42 vjeç, banues në fshatin Shqitas, Maliq, pasi në segmentin rrugor Grunjas-Kakaç, ky shtetas duke drejtuar mjetin tip “Ford”, ka dalë nga rruga dhe për pasojë kanë marrë dëmtime pasagjerja, shtetasja Xh. H., 29 vjeçe, banuese në fshatin Shqitas, Maliq, e cila gjatë transportimit për mjekim më të specializuar në Tiranë, ka ndërruar jetë, si edhe drejtuesi i mjetit K. G., i cili ndodhet në Spitalin e Traumës Tiranë, nën kujdesin e mjekëve.

 

LEXO EDHE  Mehaj: Bashkë me SHBA po krijojmë kapacitetet ushtarake që i duhen shtetit të Kosovës