U shpall fajtor për abuzim s*ksual, “YouTube” merr vendimin drastik për këngëtarin R. Kelly

ANTONIO PEREZ - POOL VIA GETTY

“YouTube” ka hequr kanalet e këngëtarit R. Kelly nga platforma, duke u distancuar nga këngëtari, i cili u dënua për trafikim seksual muajin e kaluar. Prokurorët akuzuan Kelly-n se ka shfrytëzuar famën e tij gjatë një çerek shekulli për të joshur gra dhe vajza të mitura për qëllime seksuale.

Sipas “Page Six”, Kelly do të përballet me një minimum prej 10 vitesh burg dhe mund të dënohet edhe me burgim të përjetshëm në gjyqin që pritet të mbahet më 4 maj 2022.

Dy nga kanalet e tij, “RKellyTV” dhe “RKellyVevo”, janë hequr nga një prej platformave më të mëdha të videove në botë dhe këngëtari nuk do të jetë më në gjendje të krijojë ose zotërojë ndonjë kanal tjetër në “YouTube”.

LEXO EDHE  'Jam e ofenduar që bëre publike tradhtinë', Iliri përballet me gruan në BBvip

Katalogu i muzikës së tij megjithatë do të jetë i disponueshëm në “YouTube Music”, shërbimi i transmetimit audio të “YouTube”, dhe videot e ngarkuara nga përdoruesit e tjerë të “YouTube” do të vazhdojnë të jenë në dispozicion.

Nuk dihet nëse “Spotify”, “Apple” dhe “Amazon” gjithashtu do të ndërmarrin veprime të ngjashme mbi muzikën e R Kelly që gjendet në platformat e tyre.

Muzika e Kelly-t është zhdukur kryesisht nga radio, por është ende e disponueshme në disa platforma. Hiti i tij i suksesshëm “I Believe I Can Fly” ka qenë prej shumë vitesh një zgjedhje kryesore në ceremonitë e diplomimit.