Gledis Nano ka marrë zyrtarisht sot detyrën e Drejtorit të Përgjithshëm të Policisë së Shtetit.
Një urim për Nanon e ka përcjellë ambasada e Italisë në Tiranë, ku shpreh vendosmërinë për të forcuar më tej bashkëpunimin mes Italisë dhe vendit tonë në luftën ndaj krimit.
“Urime Kreut të ri të Policisë, Gledis Nano! Të vendosur për të forcuar më tej bashkëpunimin tashmë të shkëlqyer ndërmjet forcave të rendit të Italisë dhe të Shqipërisë për shtetin e së drejtës dhe në luftën ndaj çdo lloj forme të kriminalitetit”, shkruan ambasada.
Gjatë fjalës së tij në ceremoni Nano shprehu angazhimin se do të çojë përpara sfidat e Policisë së Shtetit dhe do të forcojë bashkëpunimin me qytetarët.
