Serie A/ Napoli merr fitoren e 5-të radhazi, vazhdon kriza e Lazios

Foto: AFP

Napoli duket se e ka seriozisht. Skuadra e Luciano Spalletti-t është kthyer në krye të Serisë A pas fitores 4-0 të marrë në fushën e Sampdoria-s pasditen e sotme.

Protagonisti i ndeshjes së luajtur në Luigi Ferraris ka qenë Victor Osimhen, autor i dy golave. Ruiz dhe Zielinski kanë qenë autorët e dy golave të tjerë të miqve.

Lajmi i vetëm i keq për Spalletti-n ka qenë dëmtimi i kosovarit Rrahmani në fillimin e pjesës së dytë.

LEXO EDHE  Juve dhe Napoli hetohen për operacione të dyshimta në merkato

Vazhdon kriza e Lazio-s. Skuadra e Sarri-t ka marrë një tjetër rezultat zhgënjyes pasditen e sotme. Hysaj me shokë, në fakt, kanë barazuar 1-1 në fushën e Torino-s.

Pjaca-s ka hapur sfidën në minutën e 76-të, ndërsa Immobile ka barazuar për miqtë me një penallti në minutën e 91-të.