Nishani-Bashës: Sa herë flet bën gafa, kush je ti që do pengosh mbledhjen e Kuvendit

Bujar Nishani, ish-Kryetar i Këshillit Kombëtar të PD, vijon akuzat ndaj kreut demokrat Lulzim Basha, për të cilin thotë se po i shërben Edi Ramës duke dëmtuar Partinë Demokratike.

“E dëgjova Bashën sot dhe më erdhi keq që kryetari i partisë time, i partisë më të madhe të opozitës që përfaqëson fuqinë elektorale të gjysmës së popullisë, sa herë që flet bën gafa.

Do të ishte mirë që nga sot e tutje mos dilte më në publik. Nuk i di arsyet specifike që ai kur del në publik bën gafa. Kuvendi i PD nuk shqyrton dhe nuk merr vendim mbi vendimet e qeverisë amerikane, Basha duhet ta dijë që vendimet e administratës amerikane gjykohen nga kongreset jo nga PD.

LEXO EDHE  Tronditëse/ Babai i dhunshëm traumatizon fëmijët e tij: ‘Mami jot është k*rvë’

Ne mblidhemi për të marrë vendime mbi aktivitetin, mbi qëndrimet politike që janë marrë nga forumet e PD për interesin e Partisë Demokratike.

Është forumi më i lartë që mund të vendosë mbi qëndrimet politike të kryetarit të saj, të kryesisë dhe grupit parlamentar dhe mund të bëjë ndryshime të mëdha të statutit të PD. Kuvendi i PD mblidhet dhe shqyrton vendime vetëm në sensin që i takon PD. Ku e di Basha cfarë do diskutojnë anëtarët e Kuvendit të Partisë Demokratike, si mund të pargjykojë kryetari delegatët e Kuvendit të PD. Do ti sugjeroja më mir të heshtë dhe mos bëjë gafa të rënda”, tha Nishani në Fax News.