Një lëkundje tërmeti u regjistrua pasditen e sotme rreth orës 16:04. Tërmeti me magnitudë 3.9 të shkallës Rihterkishte epiqendrën 22 kilometra larg Tiranës në zonën Elbasan-Dibër.
Sizmologu Rrapo Ormeni është shprehur se ky tërmet është i vogël dhe këtë zonë ndodhin shpesh të tillë.
“Kjo epiqendër është në verilindje të Tiranës, kryesisht zona Elbasan-Dibër dhe në këtë zonë ndodhin shpesh këto lloj tërmetesh që ne i quajmë të vegjël’, tha Rrapo Ormeni në SYRI TV.
Ndoshta rastësisht, por lëkundja e sotme ka ndodhur në të njëjtën orë me tërmetin e dy viteve më parë, i cili kishte një magnitudë rreth 4.9 e shkallës Rihter.
