Kryeministri Edi Rama u shfaq në rolin e “vëllait të madh” gjatë mesazhit që dha për opozitën nga foltorja e Kuvendit, këtë të Enjte.
Rama evidentoi se zgjedhjet u fituan qartësisht nga PS dhe se nuk ka nevojë për votat e opozitës, por shtoi se është i hapur për bashkëpunim. Kreu i qeverisë theksoi se pranon vetëm dialog dhe jo ultimatume e kërcënime, apo ndërmjetës së huaj për bashkëbisedim.
“Kërkoi bashkëpunim me opozitën. Mund të mos merremi vesh, por cilësia e jetës dhe progresi demokratit i vendit varet nga mënyra se si e shprehin dhe administrojnë palët politike mosdakortësinë. Tjetër të polemizosh, tjetër të shash duke mos kursyer as muskujt. Dora jonë është e shtrirë drejt PD. Është një vijë mendimi që do bëjmë gjithçka që ta bëjmë një vijë sjellje. S’duam asnjë lëshim nga ju, por jemi gati të plotësojmë kërkesat tuaja. S’duam votë nga ju por, jemi gati të merremi vesh me ju për çdo gjë që ju dëshironi. Jemi të hapur të dialogojmë drejt për drejt me ju. Me urdhra, kërcënime ultimatume, me ne s’keni arritur dhe s’do arrini asgjë. Ndërsa me komunikim, duke folur e dëgjuar njeri tjetrin mund të merremi vesh për shumëçka”, tha Rama.
“Për asgjë arsye unë dhe kjo qeveri s’do pranojmë asnjë ndërmjetës së huaj për të zgjidhur krizat e brendshme politike, ato shkaktohen nga ne dhe ju dhe duhet të zgjidhen nga ne dhe ju. Jo duke folur anglisht me njeri-tjetrin, por vetëm shqip”, theksoi ai.
Lexo edhe:
Rama: Paga minimale do rritet 8 mijë lekë pas 4 vitesh
Rama shpall planin për turizmin: Do ndalojmë qeset plastike
Rama mesazh të tijve: Nuk do mbrohet askush me karton nga drejtësia
