Një fushatë e madhe është nisur nga gratë afgane, përmes mediave sociale. Në këtë formë, gratë protestojnë kundër kodit të ri të veshjes, vendosur nga talibanët për studentet femra. Në kuadër të këtij ligji, gratë afgane kanë ndarë fotografi të vajzave të veshura me fustane shumëngjyrësh tradicionalë afganë, duke përdorur hashtag si #DoNotTouchMyClothes dhe #AfganistanCulture.
Kjo fushatë nisi para 4 ditësh nga një ish profesoreshë e historisë në Universitetin Amerikan të Afganistanit, dhe nismës së saj iu bashkuan shumë gra afgane nga e gjithë bota. Gratë me këtë protestë kërkojnë të tregojnë se kjo veshje nuk është pjesë e Afganistanit dhe nuk duan ndryshime.
Këto rregulla vijnë nga talebanët, pasi pranuan që femrat mund të studiojnë, pa djemtë në klasë dhe nga mësuese femra. Kujtojmë seAfganistani u pushtua nga ushtarët talebanë më 15 shtator, dhe pas largimit të amerikanit të fundit më 31 gusht, ata shpallën qeverinë e tyre.
