Berisha: Kam filluar takimet me anëtarët e PD, Basha fshiu nga partia çdo figurë

“Kam filluar takimet me anëtarësinë dhe strukturat e PD”, u shpreh ish-Kryeministri Sali Berisha në studion e Syri Tv, ndërsa akuzoi Lulzim Bashën se largoi nga kjo parti persona politikë që kishin dhënë kontribute prej vitesh në këtë parti.

Berisha tha se listën e deputetëve në 2017 e caktoi vetë, e mora vesh listën nga televizionet dhe pas zgjedhjeve i kam thënë Lulzim Bashës të dorëhiqej, por nuk e pranoi.

“I hoqi të gjithë nga PD, pse e bëri? Për veten e tij. Ia kam thënë kur hoqi Astrit Patozin, që këta kanë të gjithë të drejtën që të bëjnë kundër teje gjithçka politikisht”, u shpreh Berisha.

LEXO EDHE  Zgjedhjet në Gjermani, një shqiptar kandidon për CDU

Ai tha se publikisht kishte mbështetur publikisht Lulzim Bashën për të inkurajuar demokratët, por në zyrë, ballë për ballë, ia kam thënë gjithçka që mund të thuhet.

Ish-Kryeministri tha se janë anëtarët e PD që duhet të angazhohen me gjithë përkushtimin e tyre që kjo parti të dalë më e fortë, më e bashkuar dhe më e zmadhuar.