Rihanna ka tërhequr padinë ndaj të atit pak javë para paraqitjes në gjykatë, shkruan BBC.
Roland Fenty, babai i këngëtares dhe partneri i tij, Moses Joktan Perkins, kishin krijuar një kompani të quajtur ‘Fenty Entertainment’ duke pretenduar se ishte e lidhur me vetë Rihannan.
Ylli i popit e paditi babanë e saj në vitin 2019 me akuzën për keqpërdorim të emrit të saj. Rihanna u shpreh se i ati po përpiqej të përfitonte nga suksesi i markës së saj tregtare “Fenty” të cilën ajo e ka përdorur në biznese të ndryshme.
Në dokumentat e gjykatës shkruhej se pavarësisht lidhjes së tyre të gjakut, babai i Rihannës nuk ka qenë kurrë i autorizuar për të vepruar në emër të saj.
Roland Fenty kishte rezervuar pa dijeninë e Rihannës disa koncerte dhe një turne jashtë vendit me vlerë prej 15 milionë dollarësh. Këngëtarja vendosi ta tërhiqte padinë duke mbyllur konfliktin mes tyre jashtë dyerve të gjykatës.
