Është shtyrë për më 9 shtator gjyqi për krybashkiakun e Kolonjës Erion Isai dhe 14 të pandehurve të tjerë, të akuzuar për shkelje të barazisë në tendera dhe shpërdorim detyre.
Në shtator GJKKO do të vendosë nëse e pranon kërkesën e SPAK për kalimin në gjykim të dosjes, do ta kthejë pas për plotësim hetimesh ose do ta pushojë çështjen.
Mes të pandehurve janë kryebashkiaku i Kolonjës, Erion Isai, ish-zëvendëskryetarja e Bashkisë Kolonjë Eljona Mydini, si dhe disa punonjës të këtij institucioni.
Gjithashtu, nën akuzë janë edhe ish-drejtues të ARRSH-së, përfshirë ish-kreun e këtij institucioni Ergys Verdho, ish-drejtorin Erald Elezi, si dhe specialistë dhe përgjegjës sektorësh në këtë autoritet.
Lista e të pandehurve:
Erion Isai Kreu i bashkisë Kolonjë
Eljona Mydini Ish zv. Kryetare e Bashkisë Kolonjë
Erjon Cenko Punonjës i Bashkisë Kolonjë
Engjëll Dine Punonjës i Bashkisë Kolonjë
Ermal Zylfo Punonjës i Bashkisë Kolonjë
Armand Tafil Punonjës i Bashkisë Kolonjë
Muharrem Tartari Punonjës i Bashkisë Kolonjë
Shpëtim Liço Punonjës i Bashkisë Kolonjë
Ergys Verdho Ish kreu i ARRSH
Erald Elezi Ish drejtor në ARRSH
Genti Raça Përgjegjës preventivi në ARRSH
Donikë Shehu Ish specialiste në ARRSH
Klarita Konomi. Ish specialiste në ARRSH
Nikollaq Mihali Specialisti në ARRSH
Të pandehurit akuzohen për shkelje të barazisë në tendera dhe shpërdorim detyre. Bëhet fjalë për një hetim mbi 3 procedura prokurimi në vitin 2020 që në total e kalojnë vlerën e 30 milionë eurove.
Vetë Isai është marrë i pandehur që në Shtator të vitit të kaluar, pas hetimeve mbi tenderat e organizuar nga Bashkia Kolonjë, është konstatuar se shumica e tyre janë të shënuar me “flamur të kuq”, pasi ndarja e tyre rezulton e paracaktuar.
Gjithashtu, theksohet se punimet e realizuara për këto tendera nuk janë përfunduar me cilësi apo sipas projekteve të miratuara nga Autoriteti Kontraktor.
Një rast konkret që përmendet është rikonstruksioni i digës së Rezervuarit të Gjonçit dhe ndërtimi i pritave malore në fshatrat e Bashkisë Kolonjë, gjatë vitit 2023.
