Hoxha dhe Junior ndëshkojnë Partizanin, Teuta e nis sezonin me fitore

Teuta e ka nisur në mënyrën më të mirë mbrojtjen e titullit kampion. Durrsakët kanë mundur minimalisht 1-0 Partizanin në sfidën hapëse të Kategorisë Superiore.

Goli i vetëm i takimit u shënua në minutën e 18 nga Gorgiev, që përfitoi nga një gabim i portierit të Partizanit, Alban Hoxha. Ky i fundit në tentativë për të larguar topin e përplasi tek sulmuesi i Teutës me topin që përfundoi në rrjetë.

LEXO EDHE  Ngec Atletico Madrid, 20 sekonda çmenduri për Joao Felix

Kjo ndeshje do hyjë në histori për futbollin shqiptar, pasi për herë të parë u aplikua sistemi VAR që madje vendosi për një penallti në favor të Partizanit.

Por Junior nuk u tregua i saktë duke e dërguar topin jashtë. Kështu Teuta merr tre pikët e para në kampionat, ndërsa Partizani nuk e nis ashtu si do dëshironte edicionin e ri.