VIDEO/ Me mbi 180 km/orë, ja çfarë ndodh në Bypass-in e Fierit

Shpejtësitë e mëdha me të cilat makinat qarkullojnë në Bypass-in e Fierit ka bërë që policia të shtojë kontrollet dhe ndëshkimet për drejtuesit e automjeteve.

Gjatë fundjavës, janë pezulluar 54 patenta dhe janë vënë mbi 71 masa administrative, ku për 32 prej tyre gjobat variojnë nga 30.000 lekë deri në 40.000 lekë të rinj.

“Përgjatë 48 orëve të fundit monitorim me radar 📹 në Bypass-in e Fierit, shërbimet e Policisë Rrugore të DVP Fier, kanë konstatuar shpejtësi që varionin nga 142 km/h deri në 181 km/h, ku si rezultat janë pezulluar 54 leje drejtimi nga 1 deri në 3 muaj, zbtitje 3 pikë nga leja e drejtimit dhe masë administrative nga 5.000 deri në 15.000 lekë të rinj.

LEXO EDHE  “Foltorja”/ Berisha njofton takimin e radhës

Janë vendosur 32 masa administrative me vlerë nga 30.000 deri në 40.000 lekë të rinj, pasi drejtuesit e mjeteve ishin rezident në një nga shtetet e BE-së.

Gjithashtu janë vendosur edhe 39 masa administrative të tjera me vlerë nga 2.000 deri në 4.000 lekë të rinj për shpejtësi më shumë se norma e lejuar, por pa sanksionin plotësues atë të pezullimit të lejes së drejtimit”, thuhet në njoftimin e policisë.