Kryeparlamentari Gramoz Ruçi është kandidati i radhës nga socialistët që ka thyer herësin përsa i përket votave të grupuara në qarkun e Fierit.
Burime nga KQZ bëjnë me dije se Ruçi, drejtues politik i qarkut të Fierit për Partinë Socialiste ka kaluar pragun e 10,001 votave.
Interesant është fakti se lideri legjendar socialist mori mbi 10 mijë vota, edhe pse në mbi 100 takimet publike të zhvilluara në të gjithë territorin e qarkut, ka bërë thirrje për vota për PS dhe nuk ka kërkuar në asnjë rast votën preferenciale.
Në këto zgjedhje vota e natyrshme e socialistëve ka ndjekur personalitetin e Ruçit, si drejtuesi socialist që në mënyrë konstante është venë në shërbim të Partisë Socialiste.
