Kreu i Partisë Demokratike, Lulzim Basha këtë të premte është ndalur në një familje në Mënik dhe në Pezë Helmes ku edhe është njohur me problematikat me të cilat ato përballen.
“As ndihmë për bujqësi, as kovid, as naftë, asgjë. Po edhe këto familjet e shkretë që ua shembi tërmeti, ju dhanë një letër i bënë vet dhe në fund fare i kanë proceduar për gjyq. Edhe kjo është bërë. Shpresojmë tani që me ju përpara e me këto djemtë e ri inshalla do të ndryshohet. Ndryshimi do të vijë me votë, kështu që vota ka shumë rëndësi. Ju e dini. Atje ku kam të gjithë unë u kam thënë, dashamir u kam thënë edhe pse kemi qenë komunistë, kemi qenë socialistë, harrojeni këtë punë se boll na torturoi. Ne do ta provojmё pas datёs 25”, kështu u shpreh kryefamiljari Islam Bardhi, nga fshati Mënik i Tiranës.
Kryedemokrati theksoi se partitë duhet të mbajnë fjalën përballë qytetarëve.
“Dua të them se ne nuk kemi për t’i ndarë shqiptarët për të majtë dhe të djathtë. Ndaj kushdo ndryshimin, të votojë ndryshimin. Unë sot e ndjej kudo që ndryshimi është mes nesh dhe që shpresa është kthyer. Ndryshimi do të vijë”, tha Basha.
Ndërsa i bëri apel qytetarëve të votojnë më 25 prill për ndryshimi, ai shtoi se Shqipëria do të funksionojë si gjithë Europa.
“Për ne plani ynë i zhvillimit që ka në fokus ekonominë, ka punësimin, ka mirëqenin, natyrisht ka dhe Integrimin në Europian se do na ndihmojë ajo që të ndihmojmë edhe fermerin shqiptarë. Kjo i vjen në ndihmë gjithë shqiptarëve pa dallime politike.
Prandaj kush do ndryshimin, kush e di që pas 8 vjet premtime të pa mbajtura mandati i tret është rreziku më i madh, për familjet e shqiptarëve, për fermerin shqiptarë, për të rinjtë shqiptarë e kanë ndarë mendjen dhe unë këtë e prek, e ndiej kudo dhe ndryshimi është mes nesh që shpresa është rikthyer.
Sigurisht e mirëpres besimin tuaj por e konsideroj dhe përgjegjësi shumë të madhe dhe po të garantoj sot ty dhe çdo socialistë të na bashkohet dhe e di që unë nuk kam mundësi ti takoj të gjithë.
Shumë po takoj por shumë socialistë që do të na bashkohen me votë për ndryshimin me datë 25 duke votuar numrin 9-të dua të ju them që ne do ta marrim këtë si një angazhim serioz për të ju përgjigjur të gjithë vëllezërve dhe motrave tona”, u shpreh kryedemokrati.
