Zgjedhjet, Kim tjetër apel për 25 prillin

Ambasadorja amerikane në Shqipëri, Yuri Kim, ndodhet sot në Vlorë.

Përmes një postimi në rrjetet sociale, ambasada amerikane bën me dije se Kim ka zhvilluar një takim me përfaqësues të shoqërisë civile për të dëgjuar pikëpamjet e tyre mbi zgjedhjet e ardhshme.

“Gjatë vizitës së saj sot në Vlorë, Ambasadorja Kim u takua me një grup përfaqësuesish të shoqërisë civile për të dëgjuar pikëpamjet e tyre mbi zgjedhjet e ardhshme.

LEXO EDHE  Vr*sja e Santiago Malkos, pezullohet një vit procesi ndaj 5 të akuzuarve

Grupi diskutoi mbi integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve.

Ambasadorja theksoi rolin që shoqëria civile duhet të luajë në zgjedhjet e ardhshme duke nxitur të gjithë qytetarët të votojnë – veçanërisht të rinjtë, duke informuar votuesit për të drejtat dhe përgjegjësitë e tyre, si edhe duke kontribuar për një shoqëri më të drejtë dhe demokraci më të fortë në Shqipëri,” shkruan ambasada.