Vdekjet nga vaksina? Reagon Rama, vijon akuzat ndaj opozitës

Kryeministri Edi Rama ka reaguar sot lidhur me një deklaratë të bërë mbrëmjen e djeshme nga kreu demokrat Lulzim Basha, i cili hodhi dyshime mbi vdekjet që kanë ndodhur pas dozës së parë të vaksinave anti-Covid.

Rama tha se akuza të tilla janë të pabaza dhe nuk mbështeten në asnjë të dhënë.

Ndërkohë ai ka hedhur akuza edhe ndaj opozitës duke thënë se ata janë me fatkeqësitë që ndodhin dhe jo me zgjidhjen e tyre.

“Është një tjetër e re që është shumë e vjetër. Ka një përmbytje janë më përmbytjen. Ku ka tërmet janë me tërmetin. Kur ka virus janë me virusin. Arrihet sa të flitet edhe për vdekjet nga vaksinat. Pa asnjë bazë, pa asnjë analizë thjeshtë për të përhapur panik. Për të vazhduar avazin e këngës nga Saliu ku Luli varet kokë e këmbë. U bë gjithë ajo zhurmë për AstraZenenca. Vijon kudo. Ne vazhdojmë vaksinojmë ata vazhdojnë infektojnë. Ata vijojnë për mos vaksinimin. Do të jetë vula që do u mbetet kësaj fushate”, tha Rama.

LEXO EDHE  VIDEO/ "Foltorja" e Vlorës, Berisha: Frymëzuese, pritja madhështore

Publikisht janë denoncuar të paktën dy raste kur qytetarë, një në Berat dhe një në Tiranë, kanë humbur jetën pas dozës së parë të vaksinës kineze, e cila po përdoret për vaksinimin masiv në Tiranë. Doktori Erion Dasho, i cili prej vitesh jeton jashtë vendit, ka hedhur dyshime dhe ka kërkuar hetime lidhur me rastet, një prej të cilëve ai e denoncoi publikisht.