Komisioni i Ankimimeve dhe Sanksioneve, KAS ka rrëzuar kërkesën e Partisë për Drejtësisë dhe Unitet që numëruesi i katërt t’i takonte kësaj force politike dhe jo LSI-së.
KAS ka lënë në fuqi vendimin që numëruesi i katërt të jetë i Lëvizjes Socialiste për Integrim.
Celibashi vendosi që PDIU të mos ketë numërues votash, me argumentin se është në koalicion me PD.
Kundër këtij vendimi mund të behet ankim në Kolegjin Zgjedhor, brenda 5 ditëve nga hyrja në fuqi e tij.
Sipas vendimit të KQZ, nga katër anëtarë, dy i takojnë Partisë Socialiste, një Partisë Demokratike dhe një Lëvizjes Socialiste për Integrim.
