Kanë mbërritur në aeroportin Nënë Tereza 192.000 dozat e vaksinës kineze “Sinovac”. vaksina në fjalë nuk ka marrë miratimin as nga OBSH, EMA apo FDA, ndërsa deri më 25 mars në mbarë Botën janë shpërndarë rreth 70 mln vaksina të këtij lloji.
Kryeministri Edi Rama ka deklaruar se objektivi është që 500 mijë qytetarë të jenë vaksinuar brenda qershorit.
“O ia dalim, o ia dalim, mos dyshoni kurrë që do t’ia dalim”, shkruan Rama në rrjetet sociale. Ai flet për vijimin e vaksinimit masiv, ndërkohë që vaksina në fjalë ka marrë miratimin e vetëm institutit shëndetësor kinez.
Nga njoftimet e ndryshme thuhet se OBSH mund të miratojë përdorimin e kësaj vaksine brenda muajit mars, por deri më tani kjo vaksinë nuk është miratuar.
Duket se zgjedhjet e 25 prillit po ndikojnë që autoritetet shqiptare të sigurojnë sasitë e vaksinave, duke i përdorur si karta elektorale, ndërkohë që deri para një muaji i njëjti Kryeministër deklaronte se do të merreshin vetëm vaksinat e miratuara nga OBSH apo EMA.
