“Më 25 prill votoni për ndryshimin, votoni për të ardhmen e fëmijëve tuaj, votoni nr 9 në fletën e votimit, votoni Partinë Demokratike”. Ishte kjo thirrja e ish-futbollisti të Kombëtares, Andi Lila, i cili mori fjalën në mitingun e hapjes së fushatës së PD për zgjedhjet e 25 prillit.
Duke iu drejtuar disa qindra pjesëmarrësve demokratë të pranishëm në sheshin Nënë Tereza, Lila tha se kemi një kauzë akoma të papërfunduar, e duam Shqipërinë si gjithë Europa.
“Ndihem i priviligjuar sot, për ndryshimin e madh. I drejtohemi të gjithë shqiptarëve, për t’u bërë bashkë dhe për të sjellë ndryshimin e madh për të gjithë shqiptarët. Sot dua t’iu them, se kam pranuar ofertën politike të Bashës, me bindjen e plotë se fitorja është e jona. Sa herë jam futur në fushën e futbollit e dija që do të kishte një palë që fitonte dhe tjera humbte.
Kjo e sotmja nuk është lojë. Nuk është garë, kjo është një përballje. Është e ardhmja e fëmijëve tanë. Ne kurrsesi nuk do të bëjmë naivin. Do të bëjmë ndryshim e madh. Kurrsesi nuk do ta braktisim vendin tonë. Ne e duam vendin tonë. Iu them gjithë shqiptarëve që në 25 prill të votojnë Partinë Demokratike, të votojnë për Shqipërinë”, tha Lila.
Fjala e ish-futbollistit Andi Lila
Të nderuar të pranishëm, të dashur shqiptarë. I nderuar kryeministër i ndryshimit zoti Lulzim Basha. Përpara se të nis këtë fjalim do të doja nga të gjithë të pranishmit këtu, ne kemi një amanet që nga studentët e 90 për thënien që e nisën atë kauzë edhe ne kemi një kauzë akoma të pa përfunduar.
Një thirrje nga të gjithë ne këtu” E dua Shqipërinë si gjithë Europa”. Ndihem i privilegjuar sot në ditën e parë të fushatës zgjedhore për ndryshimin e madhë ti drejtohem të gjithë shqiptarëve për tu bërë bashkë. Për të bërë bashkë idetë, zemrat mundin sakrificën për të sjellë ndryshimin e madhë për çdo shqiptarë. Shumë persona kanë shprehur skepticizmin e tyre se ndryshimi edhe në sport është utopi.
Sot unë dua të them se kam pranuar ofertën politike të kryeministrit Basha me bindjen e plotë se fitorja është e jona. Sa herë jam futur në fushën e futbollit e dija se në fund do të kishte një palë që fiton dhe një palë që humb. Futesha duke ditur se në fund gjysma e tifozëve në stadium do të trishtoheshin dhe gjysma do të festonin.
Por kjo e sotmja nuk është lojë. Nuk është një garë ndërmjet disa shqiptarëve dhe shqiptarëve. Kjo është një përballje, kjo është e ardhmja e fëmijëve tanë. Sepse të themi se po jetojmë një kohë si gjithë Europa është thjeshtëzim dhe naivitet.
Kurrsesi nuk do të bëjmë naivin. Por me 25 prill do t’i tregojmë të gjithë shqiptarëve që ne do të bëjmë ndryshimin e madh, ndryshimin për fëmijët tanë. Kurrsesi nuk do ta braktisim vendin tonë, këtu do t’i rrisim fëmijët sepse ne e duam vendin tonë. Prandaj me 25 prill me dorë në zemër të gjithë shqiptarëve i them votoni Partinë Demokratike, votoni ndryshimin, votoni Lulzim Bashën kryeministër sepse e ardhmja është e jona. E duam Shqipërinë si gjithë Europa! Jeni të gjithë shumë të mirë. Faleminderit!
