Gazment Bardhi, drejtues politik i PD në Qarkun e Elbasanit, u shpreh sot se shqiptarët duhet të ndëshkojnë me votë më 25 prill politikanët që i kanë mashtruar.
Këto komente Bardhi i bëri gjatë takimeve që zhvilloi në Gjinar, ku banorët iu shprehën se Qeveria i mashtroi dhe se në 8 vite nuk bëri as rrugë, as ujë, vetëm gjoba dhe taksa.
“Kërkojnë prej 8 vitesh 1 kiometër rrugë, dhe askush nuk e ka nisur punën, edhe pse banorët i kanë besuar votën. Ndërsa kur është puna për të ndërtuar një avlli, apo një shpi, u kërkohet të paguajnë më e pakta 5 milionë lekë”, tha banori Tomorr Tahiri, i cili thotë se ka votuar dy herë me radhë PS-në, dhe u ka kërkuar edhe djemve, e tani u vjen turp para tyre.
Qemali është në pension bashkë me gruan. Prej 8 vitesh ai thotë se rritja ka qënë vetëm 2 mijë lekë të vjetra. Ai jeton falë ndihmës së djemve që i ka në emigracion. Edhe pse e premtuan, qeveritarët nuk bënë as rrugën deri në fshat, as nuk sollën ujin.
Aleks Ziu merret me bujqësi, ndërsa i biri në ndërtim kur i jepet mundësia. Donte të rregullonte avllinë, por policia kishte kërkuar para.
Gazment Bardhi u shpreh në takimet me banorët se duhet reflektuar e vendosur standard, se kush nuk mban premtimet dhe gënjen për pushtet, nuk duhet votuar.
“Shteti i këtyre ky është. Vret në mes të Elbsanit nuk i gjen gjë, tenton me ndërtu çatinë apo avllinë këtu, të vijnë 20 policë nëse nuk ke paguar rryshfetin”.
Drejtuesi politik tha se ka edhe arrogancën dhe ta thotë në sy ai.
“Më jepni votën se këto 4 vite do të punoj për ju. Pra e pranon se 8 vite ka punuar për veten e vet”, u shpreh Bardhi, referuar deklaratave të Ramës.
