Anëtar i Komisionit të Ankesave dhe Sanksioneve në KQZ, Ledio Braho, në një intervistë për Faxnews, shprehet se partitë nuk i verifikojnë kandidatët që përfshijnë në lista për deputetë, ndërsa KQZ e ka të kushtëzuar kohën e verifikimit, bazuar në ligjin e dekriminalizimit.
Lidhur me emrat që ka përmendur ambasadorja amerikane për të mos u kandiduar për zgjedhjet e 25 prillit, mes të cilëve edhe Tom Doshi, Braho tha se nuk mund të flasë me emra konkretë, por që vota e tij në komision do te jete ne perputhje me ligjin.
Ai foli dhe për detyrimin moral që kanë kandidatët, duke theksuar se edhe nëse ligji i dekriminalizimit nuk të ndalon të kandidosh, personat që kanë pasur probleme në të shkuarën kanë përgjegjësi morale që vetë të mos përfshihen në zgjedhje.
Mendoni që edhe në këto zgjedhje do të ketë precedentë si nga e shkuara?
Braho: Shpresa është që të mos ketë dhe kjo do t’i faturohet të gjithë subjekteve që do përfshijnë kandidatë që do zgjidhen apo jo janë pjesë të listave. SHBA ka bërë thirrje të mos përfshihen kandidatë që preken nga dekriminalizimi. Nuk është hera e parë që përfshihen kandidatë që kanë pasur probleme në të shkuarën. Ligji i dekriminalizmit nuk është i ri. Ambasadorja Kim i ka bërë thirrje partive që të mos përfshijën kandidatë me të shkuar kriminale. Sot që flasim, KQZ nuk ka arritur të miratojë listat e kandidatëve për ccdo subjekt zgjedhor përshkak se nuk kanë qenë të plotësuara sicc e kërkon kodi zgjedhor. Duhet të këmi parasysh që janë 1000 kandidatë në lista dhe kjo kërkon kohë. Kam qenë i idesë se partitë duhet t’i paraprinin kësaj situate. Ligji për dekriminalizimin ui jep mundësinë që t’i drejtohen organeve kompetente që të verifikojnë ndërmjet formulareve nëse jane subjekt i këtij ligji. Fakti që partitë politike i lënë në moment të fundit, bën që dhe procedurat e dekriminalzimit të nise pas regjistrimit të listave. Partitë politike i kanë mundësinë që gjatë gjithë periudhës për të verifikuar kandidatët për të cilat kanë dyshime. Partitë nuk e aplikojnë këtë procedurë përshkak të pasigurisë për kandidatët. Ligji për dekriminalizimin e ka zgjidhur këtë ccështje. Nëse verifikimet bëhen pa u printuar fletët e votimit, kandidatët që janë subjekt i dekriminalzimit nuk përfshihen në fletë. Nëse zbulohet se kandidatët janë subjekt i këtij ligji dhe nuk kanë marrë mandatin, atyre nuk i jepet mandati. Nëse zbulohet më pas, atëhere i ndërpritet mandati.
Tom Doshi, Rrahman Rraja, Orges Cyrbja?
Braho: Këto janë deklarata të bëra nga ambasadorja amerikane. Unë nuk mund të shprehem me emra konkrete. Por ajo që unë garantoj në lidhje me voten time ne komision, është se do të jem gjithmonë besnik ndaj ligjit.
A është KQZ institucion te i cili mund të besojmë?
Braho: Patjetër që KQZ-ja i ka të gjitha kapacitetet për t’i ndjekur këto procedura. Por këto procedura bëhen edhe në bashkëpunimi me prokurorinë e përgjithshme. KQZ është ai që inicion procedurat dhe në fund vendos nëse jemi në kushtet e ndërprejes së mandatit, atëherë e bën këtë.
Si i parashikon ligji afatet kohore ndaj personave të dënuar?
Braho: Ligji për dekriminalizimin është i qartë dhe i ka të detajuara të gjitha ndalimet sipas veprave penale. Përshkak të procedimeve penale në Shqipëri, pengesë ka vetëm për ato raste kur kemi vetëm vendim të formës së prerë,. Ndërsa për jashtë ka ndalime edhe për rastin e vendimeve që nuk janë të formës së prerë.
Kandidatët moralisht të mos kandidojnë?
Braho: Duhet të kemi parasysh se dekriminalizmi ka të bëjë dhe me aspektin moral. Në çdo rast dënimi duhet deklaruar. Formularët bëhen publikë dhe qytetarët mund t’i shohin, prandaj mund të bëhet pengesë në vota, edhe pse ligji nuk e pengon të kandidojë.
Ka denoncime që pas personave në lista zyrtare fshihen persona nga bota kriminale që përfaqëasojnë këta persona. Si mund të parandalohet kjo?
Braho: Ligji nuk parashikon ndalimin e kandidimit për persona që kanë lidhje familiare me personat e inkriminuar. Ligji i dekriminalizimit mbetet zgjidhja më e mirë dhe më e drejtë për aq kohë sa kemi parasysh numrin e personave të inkriminuar që gjendeshin në parlametn . Në 2019 dështuam me disa kandidatë të cilat ishin pjesë e dekriminalzimit. Nuk është normale që familiarë të këtyre personave të zgjidhen në parlament. Ambasadorja amerikane i bëri thirrje krerëve të partive që të mos përfshijonë këto persona. Duhet që klasa politike të kthjellohet dhe të mos përfshijë persona të tillë.
