Kreu i PAA-së, Agron Duka, i cili renditet në listat shumëemërore në Qarkun e Durrësit, të koalicionit opozitar të udhëhequr nga PD për zgjedhjet e 25 prillit, e konsideron Kryeministrin Edi Rama një gogol për shqiptarët.
Duke iu drejtuar Ramës, Duka shkruan se diktatorët kanë të njëjtin fund kudo, ndërsa ai dhe kolegët e tij janë shpresa.
Kreu i PAA në vijim shkruan se Rama është përfaqësues i krimit, ndërsa e akuzon se është kthyer në makthin e shqiptarëve.
Agron Duka i drejtohet Ramës:
Ti robo je bërë gogol për shqiptarët, diktatorët kanë të njëjtin fund kudo, unë dhe kolegët e mi jemi shpresa
“DUKA: Përse kandidove dhe në Durrës, të detyruan krimi dhe oligarkët?!
– Ti çfarë përfaqëson?!
Ja ta them unë:
– Ti je përfaqesues i kriminelëve, unë i njerëzve të thjeshtë të Shijakut dhe Durrësit.
A të duan shqiptarët?
Ja ta them unë:
– Ti robo je bërë gogol për shqiptarët, unë përherë miqësor me popullin tim.
Çfarë di për vete Ti në 8 vite qeverisje?
Ja ta them unë:
– Ti je kthyer në mankth për shqiptarët!!! Unë dhe kolegët e mi jemi shpresa.
Dhe në mbyllje nga Shijaku të them:
– Vazhdo Robo diktatorët kanë të njëjtin fund kudo”.
