Të paktën 16 persona kanë rënë në prangat e policisë greke, pas protestave të dhunshme një natë më parë në Nea Smyrni.
Ndërkohë në kuadër të përplasjes së policisë me protestuesit janë plagosur 5 oficerë policie një prej të cilëve në gjendje të rëndë.
Polici 24-vjeçar është me origjinë nga Serres dhe po merr trajtim mjekësor në spitalin Ushtarak 401, shkruajnë mediat greke, duke theksuar se është në gjendje të rëndë.
Protestat nisën pasditen e së martës ku persona të maskuar krijuan një skenë lufte me kokteje Molotov, dhe sulme të rënda ndaj një oficeri policie.
