Një studim i ri i publikuar në revistën The Lancet Global Health tregon se ky është rezultat i përmirësimit të shërbimit në kujdesin shëndetësor për nënat dhe forcimin e planifikimit familjar.
Studimi, i cili analizoi të dhëna nga 195 vende zbuloi se 61.2% e kësaj rënieje vjen nga përmirësimet në kujdesin për nënat, ndërsa 38.8% lidhet me uljen e fertilitetit.
Një gjetje veçanërisht domethënëse është se duke dëshmuar rolin jetik që ka planifikimi familjar në parandalimin e vdekjeve amtare.
Sipas eskpertëve, kontracepsioni nuk është vetëm një çështje e të drejtave të njeriut dhe fuqizimit të grave, por një mjet që shpëton jetë duke parandaluar shtatzëni të hershme, të vonshme apo shumë të afërta, si edhe duke reduktuar aborte të pasigurta – që mbeten ndër shkaqet kryesore të vdekjeve amtare në botë.
Studimi nënvizon nevojën për të rritur investimet në shëndetin seksual dhe riprodhues dhe për të integruar më mirë planifikimin familjar me kujdesin për nënat, sidomos në vendet me të ardhura të ulëta, ku përdorimi i kontraceptivëve mbetet ende i ulët.
Ekspertët paralajmërojnë se për të arritur objektivin global të Kombeve të Bashkuara, që synon uljen e vdekshmërisë amtare në më pak se 70 vdekje për 100,000 lindje të gjalla deri në vitin 2030, vendet duhet të forcojnë politikat e kujdesit shëndetësor për gratë dhe të sigurojnë akses të gjerë në planifikim familjar.
