I la pa mbështetje në kohë pandemie, Rama uron mësuesit për 7 marsin

Kryeministri Edi Rama, e ka nisur ditën me një urim për mësuesit me rastin e 7 marsit.

Ndërsa ka publikuar pamje nëpërmjet të cilave tregon edhe ristrukturimin e shkollave, apo ndërtimin e disa prej tyre, Rama uron të gjithë mësuesit e Shqipërisë dhe ata në pension që në krye të detyrës po kalojnë një vit akoma më të vështirë edhe për shkak të pandemisë së Covid.

“Mirëmëngjesi dhe me një urim nga zemra për të gjithë mësuesit e Shqipërisë, ata në pension e ata që në krye të detyrës po kalojnë një vit tejet të vështirë, duke i siguruar krejt ata se më e mira është ende përpara nesh, ju uroj të gjithëve një ditë të bukur”, shkruan Rama në rrjetin social.

LEXO EDHE  VIDEO/ Basha në Fier: Më 25 prill fitorja e pandalshme

Urimi i Kryeministrit për mësuesit vjen në një kohë kur kjo kategori u la pa mbështetje gjatë pandemisë. Prej një viti arsimtarët përballen me orët e zgjatura në punë, por nuk u paguan nga Qeveria. Ndërkohë që gjithashtu ato u mashtruan po nga Kryeministri lidhur me rritjen e pagave, denoncime këto që janë bërë nga sindikata e mësuesve.