Drejt zbardhjes vrasja e shqiptarit në Islandë/ Policia merr në dorë pamjet e momentit të ekzekutimit

Vijojnë hetimet për vrasjen e shqiptarit Armando Beqiri në Islandë. Mediat vendase raportojnë se policia dhe hetuesit kanë sekuestruar disa pamje të momentin të ekzekutimit të Beqirit, të cilat mund të ofrojnë një panoramë të qartë për atë që ka ndodhur të shtunën e kaluar.

Janë më shumë se 20 hetues që po merren me këtë çështje dhe krimi mund të zbardhet shpejt. Lidhur me këtë vrasje, në paraburgim janë më shumë se 10 persona, por afati për mbajtjen e tyre në qeli skadon sot.

Policia do të kërkojë nga gjykata që të arrestuarit të qëndrojnë në burg deri në përfundim të hetimeve. Të gjithë të dyshuarit janë marrë në pyetje, por ende policia kërkon të dhëna për t’i fajësuar plotësisht ata.

LEXO EDHE  Bëri s*ks me nxënësin e saj 15-vjeçar, mësuesja e pëson keq

Shefi i policisë në Islandë, Margeir Sveinsson, në një deklaratë është shprehur se janë sekuestruar shumë të dhëna që mund të zbardhin krimin. Sipas tij gjatë kontrolleve në banesat e të dyshuarve janë sekuestruar kompjutera dhe celularë.

Nga ana tjetër lidhur me këtë vrasje në pranga është një shqiptar dhe sipas Frettabladid.is ai është një prej të dyshuarve kryesor. Në banesën e tij janë gjetur gjurmë të armës së zjarrit, por ai është paraqitur vetë në polici dhe ka mohuar përfshirjen në krim.