Jolio Dine, anëtar i Këshillit Kombëtar të PD, ka denoncuar në rrjetet sociale presionin që po ushtrojnë drejtorët e shkollave në Sarandë, ndaj nxënësve dhe prindërve të tyre për të votuar Partinë Sociialiste në zgjedhjet e 25 prillit.
Dine e shoqëron denoncimin e tij edhe me një foto të postuar në rrjetet sociale, ndërsa paralajmëron se nëse nuk hiqet dorë nga metoda të tilla presioni me qëllim marrjen e votës, do të kallëzohen në Prokurori drejtuesit e shkollave të përfshira në këtë skemë.
Dine ka postuar foto nga shkolla ‘5 Dëshmorët’, në Ksamil me Drejtor, Bensik Abedinin.
“Arsimtarët në fushatë të egër për vota!
Informacione të ndryshme mbërrijnë se drejtues shkollash po intimidojne nxënësit për të votuar Partinë Socialiste ne zgjedhjet e 25 prill. Voten ata e shpërblejnë me nota të mira e kalime klase.
Kjo është thirrja e fundit që bëhet!
Në rast se këta Drejtorë për të cilët ka mbërritur informacioni, vazhdojnë ende me këto presione, do të depozitojmë kallëzim penal në Prokurorinë e Sarandës”, shkruan Dine, duke postuar foton e mëposhtme.
