Rama vendos të vaksinoj Alfred Moisiun

Kryeministri Edi Rama njoftoi se nga dita e diel në Shqipëri do të nisë edhe vaksinimi i personaliteteve të vendit tonë që janë mbi 80 vjeç.

Edhe pse ende nuk ka dalë një listë e plotë e emrave që do ta marrin këtë vaksinë, mësohet se njëri prej tyre do të jetë ish-presidenti Alfred Moisiu, i cili është 92 vjeç.

Moisiu konfirmoi në një intervistë për Abc News se do të marrë dozën e parë të vaksinës të dielën në orën 09:30 në ambientet e vaksinimit në stadiumin Air Albania.

LEXO EDHE  Zheji: Berisha përdori 3 nënstrategji kundër Bashës, ja çfarë synon foltorja

Ai ka vlerësuar vendimin e qeverisë, pasi u shpreh se mosha e tij e përballon me vështirësi një sëmundje të tillë.

“Duket se kanë vendosur drejt, pasi mosha jonë, sikur thotë populli një “saçme kërkon”. Është moshë që e përballon me vështirësi një sëmundje të tillë. Mendoj që është vendim i drejtë”, tha ai.