OBSH miraton zyrtarisht përdorimin e vaksinës CoronaVac që aplikohet në Shqipëri

Organizata Botërore e Shëndetësisë OBSH njoftoi sot zyrtarisht se ka miratuar përdorimin emergjent të vaksinës së kompanisë Sinovac, CoronaVac Covid-19.

Në një komunikatë të lëshuar para pak minutash, OBSH tha se kjo vaksinë plotëson standardet ndërkombëtare të sigurisë, efikasitetit dhe prodhimit.

CoronaVac është vaksinë e kompanisë kineze Sinovac. Ajo mbërriti me 100 mijë doza në Shqipëri duke i hapur rrugë vaksinimit masiv.

Më tej kompania turke që është distributor, prodhoi vetë me formulën e Sinovac, vaksinën Corona Suspension e cila aplikohet aktualisht në Shqipëri. Kjo erdhi pasi kompania kineze ndërpreu furnizimin për Turqinë.

LEXO EDHE  U shtri barkas nga policia se filmoi operacionin antidrogë, gazetari jep dëshminë në Prokurori: U dhashë videot që filmova me telefon

Ende nuk dihet nëse kjo vaksinë kineze do të miratohet edhe nga EMA, Agjencia Kombëtare e Barnave. Nëse kjo ndodh, shqiptarët e vaksinuar me të, do të mund të lëvizin në vendet e zonës Shengen ashtu si qytetarët që kanë marrë vaksina perëndimore.