Në Ohio të Shteteve të Bashkuara të Amerikës, është aplikuar lotaria për të inkurajuar qytetarët që të vaksinohen kundër Covid-19.
Dhe në fakt, sipas mediave amerikane është identifikuar edhe fituesja e parë. Bëhet fjalë për një 22 vjeçare, e cila ka fituar plot 1 milionë dollarë.
Mediat amerikane shkruajnë se Abbigail Bugenske është fituesja e parë.
“Ishte një vendim mjaft i lehtë për të shkuar për të bërë vaksinën sa më shpejt që të mundesha”, tha ajo në një konferencë shtypi të enjten.
“Unë do të inkurajoja cilindo që të vaksinohet. Nëse fitimi i 1 milion dollarëve nuk është i mjaftueshëm, nuk e di se çfarë do të ishte,”- ka shtuar ajo.
Kjo lotari do të mbahet çdo të mërkurë për 3 javët e ardhshme si pjesë e fushatës Vax-a-Million.
