Kolapsi nga covid nuk mbulohet me “Merhaba arkadash”!

Nga Boldnews.al

Ndërsa në Spitalin Infektiv në Tiranë mbi 45 autoambulaca mbanin radhë me të sëmurë brenda që mezi merrnin frymë, në pritje të një shtrati më pavionin e covid, kryeministri Edi Rama shoqërohej drejt Shkodrës me një shpurë automjetes policie dhe garde, edhe më të shumtë në numër se autoambulacat me pacientë.

Donin sigurinë e kreut të qeverisë që u prit me protesta nga banorët e përmbytur, por kjo nuk e pengoi kreun e qeverisë që të jepte shfaqjen e radhës me një grusht vaksinash që u shpërnda në në Shkodër.

Plot 300 vaksina shkuan në këtë qytet, që do të vlejnë për vaksinimin e 150 personave, ku 45 janë për personat e shtëpisë së të moshuarve dhe 105 për personelin e përzgjedhur mjekësor në spitalin e qytetit.

Por më shumë se për atë grusht vaksinash, Rama shkoi për spektaklin propagandistik. Injeksioni do të kryhet në Pallatin e Sportit, që është mbushur me postera të mëdhenj me diçiturat: “Shqipëria vaksinohet”.

Nëse do i besohej propagandës qeverisëse, çdo shqiptar do ishte i “lumtur” që jeton në këtë vend, që për nga menaxhimi sipas disa syresh në Rilindje përfshi edhe ministra, qeveria shqiptare ia ka kaluar edhe Gjermanisë, Francës, Italisë apo edhe vetë SHBA-së në mënaxhimin e pandemisë…

E vërteta vret, dhe ajo duket qartazi në oborret e spitaleve covid, ku autoambulancat qëndrojnë në pritje, duke i përngjarë “arkivolëve lëvizëse”, ndërsa spitalet brenda janë të tejmbushur me paciantë, një pjesë e të cilëve në gjendje të rëndë shëndetësore.

Kolapsi tashmë është e vetmja fjalë që mund të thuhet për sistemin e shëndetësisë në lidhje me trajtimin e të sëmurëve me covid. Në Tiranë ku ndodhen tre spitale nuk ka më shtretër të lirë, ndërsa kërkesat për shtrim janë mjaft të larta. Po mendohet hapja e spitaleve rajonale, por aty mungojnë mjekët specialistë, si infeksionistë, epidemiologë dhe reanimatorë. Përveç burimeve njerëzore ka mangësi të theksuara edhe në apartura mjekësore, aq të nevojshme për kontigjentin e të shtruarve me covid.

LEXO EDHE  Turizmi dhe shpresa tek vaksina

Megjithatë kryeministri e ka marrë mjaft lehtë, pasi ka futur në trupin e tij të dyja dozat e vaksinës Pfizer, sot nuk deklaroi asgjë për kolapsin nëpër spitale.

Përkundrazi, me një fytyrë që shprehte as lumturi e as mërzi, por dukshëm papërgjeshmëri, bëri një ndalesë në Laç, aty ku thuhet se po punohet për ndërtimin e spitalit, objekt i shkatërruar që në nëntorin e vitit 2019, por që ende nuk ka hapur themelet.

Intersante se çfarë mendon kreu i qeverisë në kokën e tij dhe kush është problem në të vërtetë zbulohet nga biseda e zhvilluar në Laç: Rama: Ajo fasada përballë spitalit të rregullohet. Të lidhet me godinën… Zbatuesit e projektit: Patjetër! Rama: Merhaba!’-përshëndet një punonjës turk.

E rëndësishme për të ishte fasada e spitalit që është vetëm një 3 D në kokën e tij dhe nuk ka rëndësi tjetër se sa shtretër do të ketë, çfarë pajisjesh do të vendosen dhe mbi të gjitha me çfarë personeli do të funksionojë ku shumë mjekë dhe infermierë kanë marrë arratinë drejt Gjermanisë dhe specialistët mungojnë në çdo spital rajonal.