Jorida Tabaku, ish-deputetja e PD ua ka shpjeguar konkretisht, shitësve të rrugës “Him Kolli” në Tiranë, përfitimet konkrete nga Programi i PD “Shqipëria fiton”.
“Dje në një ditë të zakonshme, në rrugën Him Kolli në njësinë 10 ku ndodhen me dhjetra biznese. Prej tyre dëgjon të njëjtat shqetësime; nuk ka xhiro, taksa të larta dhe abuzimet e administratës. Biznese që hedhin produktin e tyre sepse nuk u shitet por që shteti ua merr të gjitha taksat pa iu kthyer asnjë investim.
Plani ekonomik i PD është e vetmja zgjidhje dhe e vetmja rrugë për të shpëtuar biznesin nga kolapsi. Taksa 0.5% mbi xhiron vjetore përfshirë taksat lokale, pulla fiskale që largon tatimorët dhe kontrollet e tyre abuzive.
Ulja e TAP dhe sigurimeve shoqërore në 9%, një ndihmë madhe për të vetëpunësuarit. Shqipëria Fiton kur biznesi fiton. Prandaj në 25 Prill do të votohet plani ekonomik i PD, me të Rama humbet dhe Shqipëria Fiton.”
