Sekretari për Çështjet Ligjore në PD, Çlirim Gjata, akuzoi sot Policinë e Shtetit se po zbaton urdhërat politikë në kohë pandemie.
Gjata tha se janë marrë masa shtrënguese dhe po sulmohet drejtuesit e opozitës me policë për të dëmtuar fushatën.
“Pse nuk shkojnë këta policët të ndërhyjnë në takimet elektorale të mahorancës? Pse nuk shkon policia të kontrollojë lokale e restirante po mësyn me urdhëra politikë mbi takimet që bëjnë politikanë të opozitës”, tha Gjata në emisionin Open.
Ai tha se policët janë angazhuar pas deklaratave politike të Kryeministrit Edi Rama, pasi nuk ndërhyjnë asnjëherë kur zyrtarët socialistë apo të afërm të tyre, qëndrojnë në kundërshtim me çdo masë.
“Ka pasur klube të kunetërve të deputetëe apo të zyrtarëve të Rilindjes që kanë funksionuar deri në orët e para të mëngjesit. Pse nuk kanë ndërhyrë”, tha Gjata.
