Një ditë më parë u ekzekutua në Fier shtetasi Shkëlzen Kastrati, i cili u qëllua me breshëri nga një armë e llojit scorpions me silenciator.
Nga raportimet mësohet se viktima ka dalë nga banesa për tu takuar me disa miq, ndërsa dyshohet se autorët e përfshirë në krim e kanë ndjekur në çdo lëvizje.
Dyshohet se në ekzekutimin e 41-vjeçarit morën pjesë 3 persona, që ndodheshin në një automjet “Range Rover”, ndërsa një i katërt i priste pranë fshatit Baltëz të Fierit, për t’u larguar pas ngjarjes.
Pa u futur te rrethrrotullimi i Sheqit në Fier, makina e atentatorëve futet në parakalim dhe qëllon me breshëri me një armën automatike, që i ishte modifikuar edhe një silenciator. Për shkak edhe të reshjeve të shiut, në zonë nuk kuptohet se çfarë ndodhi, ndërsa automjeti i 41-vjeçarit vijon ecën për inerci, derisa përplaset me një tjetër makinë.
Viktima ka marrë një plumb në kokë që mendohet se i ka shkaktuar vdekjen e menjëhershme, ndërsa disa plumba të tjerë e kanë kapur në trup.
Makina ”Rang Rover” rezulton se ka ikur me shpejtësi drejt Mbrostarit. Aty është kthyer për në Unazën Fier-Vlorë dhe te mbikalimi i Baltzës në rrugën dytësore ka ndaluar, ndërsa autorët e kanë djegur mjetin. Dyshohet se në zonë i priste një tjetër bashkëpunëtor, që ka larguar 3 personat që morën pjesë në ekzekutimin e 41 vjeçarit.
Policia e Fierit ka shoqëruar disa persona për ngjarjen. Pista kryesore e ekzekutimit të 41-vjeçarit lidhet me hakmarrjen.
