Ministria e Shëndetësisë bëri të ditur se gjatë 24 orëve të fundit kanë humbur jetën si pasojë e Covid-19, 5 qytetarë.
Sipas njoftimit zyrtar, qytetarët që kanë humbur jetën janë 2 nga Tirana, 1 nga Mirdita, 1 nga Korça, 1 nga Shkodra, të moshave 54-80 vjeç. Në total që nga fillimi i pandemisë, në Shqipëri kanë humbur jetën si pasojë e koronavirusit 1270 qytetarë, ndërkohë që 25856 persona vijojnë të jenë aktivë me Covid-19.
Ministria e Shëndetësisë raportoi se në 24 orët e fundit janë shëruar 465 qytetarë, duke e çuar numrin e të shëruarve 40,090 që nga fillimi i epidemisë.
Aktualisht në 4 spitalet COVID, po trajtohen 276 pacientë, 32 në terapi intensive nga të cilët 5 pacientë janë të intubuar.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.
“Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të.
Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID”, thuhet në njoftimin zyrtar.
