Nënkryetari i LSI-së, Petrit Vasili, e konsideron Kryeministrin Edi Rama një mashtrues global. Vasili shkruan në rrjetet sociale se Rama ka një ide interesante për të vaksinuar popullin me gënjeshtra.
Reagimi i Vasilit ka ardhur pasi më parë Kryeministri Edi Rama deklaroi se janë siguruar nga kompania Pfizer 500 mijë doza vaksine, 10 mijë prej të cilave mbërrijnë në Shqipëri në javën e tretë të janarit.
“Vaksina me tollon, rroftë mashtruesi global!
Dikush i tha lider global, por në të vërtetë është një mashtrues global!
Mos shpërdoroni 1 janarin me këtë mashtrues, që shkon drejt humbëtirës, drejt asgjëkundit.
Lëreni mashtruesin global të bëjë luftëra imagjinare me Europën, që ka parë plot mashtrues të tillë.
Lëreni mashtruesin të gënjejë veten se tjetërkënd nuk gënjen dot.
Mashtruesi global ka një ide ‘interesante’, do të vaksinojë popullin me gënjeshtra dhe shqiptarin e fundit do ta vaksinoje në 2030, lëreni ta bëjë.
Mashtruesi këtë di të bëjë të mashtrojë dhe qytetarët atë gjë duhet të bëjnë, ta largojnë”, shkruan Vasili.
