Nënkryetari i PD-së, Edi Paloka, ka ironizuar vizitën e Kryeministrit Edi Rama në SHBA, për të cilën kreu i qeverisë u shpreh se do të takohej sy më sy me prodhuesit e vaksinës kundër Covid-19. Por sot Rama njoftoi se prodhimi i vaksinës nga Pfizer është shumë larg kërkesave, çka duket se ka pranuar dështimin për sigurimin e vaksinës.
Gjatë ditëve të fundit, në media, qarkulluan foto të Ramës ku herë shfaqej duke drekuar ose darkuar me një prift grek ortodoks dhe herë duke bërë shoping. Sot Rama publikoi një foto lidhur me një takim me drejtues të kompanisë Pfizer, ku duket se nuk ka arritur t´a bindë “sy më sy” për mbërritjen e kësaj vaksine edhe në Shqipëri.
Paloka në postimin e tij në rrjet shkruan se Rama përmbylli vizitën kërkimore për sigurimin e vaksinës në New York, ndërsa shton “Rama shkoi në New York për shumë punë, por vetëm për vaksinën Jo”.
“Mashtrues i pafytyrë; siguroi një takim 5 min sa për të bërë një fotografi që do i duhej si justifikim për mashtrimin e tij dhe u zhduk për një javë nga Shqipëria në kulmin e krizës dhe të pandemisë.
Papërgjegjshmëri kriminale, nga një personazh që si kryeminister, është kthyer në fatkeqësinë më të madhe të këtij vendi”, shkruan Paloka.
Postimi nga Edi Paloka
U “permbyll vizita kerkimore per te siguruar vaksinen” ne New York…”Prodhimi eshte ende shume me i ulet se kerkesa boterore…”
Pra shkurt ; vaksina nuk ka per shqiptaret . E per ta mesuar kete , nuk kishte nevoje qe Rama te shkonte deri ne N.Y sepse ky ishte nje fakt i njohur boterisht. Vende te fuqishme jane angazhuar kohe me pare qe te sigurojne sasite e para te vaksinave…
Po tanime e kane mesuar te gjithe qe Rama shkoi per shume “pune” ne N.Y e vetem per vaksinen JO!
Mashtrues i pafytyre; siguroi nje takim 5 min sa per te bere nje fotografi qe do i duhej si justifikim per mashtrimin e tij dhe u zhduk per nje jave nga Shqiperia ne kulmin e krizes dhe te pandemise.
Papergjegjshmeri kriminale , nga nje personazh qe si kryeminister, eshte kthyer ne fatkeqesine me te madhe te ketij vendi.
